Supe me brokoli e mascarpone

Supa

Përbërësit për 4 persona:

1 lugë gjelle vaj ulliri, 10 gr gjalpë; 2 qepë të mëdha shallots të grira hollë; tre thelpinj hudhër të copëtuara; 350 gr patate të prera në kubikë, kripë dhe piper të freskët të sapobluar; 4 lugë gjelle mascarpone, katër feta bukë të thekur, 30 gr djathë blu kremoz.

Përgatitja

Nxeheni vajin dhe gjalpin në tenxhere, hidhni qepën dhe hudhrën, sa të nisin të marrin ngjyrë të verdhë shtoni patatet dhe gatuajini bashkë për rreth 5 minuta duke i përzierë vazhdimisht. Ndërkohë në një tenxhere zieni 1.5 lt ujë.

Hidhni më shumë sesa treçerekun e ujit të zierë në tenxheren ku janë të skuqurat dhe përziejini mirë. Shtoni kripën dhe piperin dhe ziejini të mbuluara me kapak në nxehtësi të ulët për rreth 10 minuta. Hidhni brokolin që e keni copëtuar më parë, mbulojini me kapak dhe ziejini dhe për 10-15 minuta të tjera, derisa perimet të jenë të buta. Lërini të ftohen për pak minuta pastaj kalojeni  supën në blender (ose zhyteni blenderin në tenxhere, derisa të keni një masë krejtësisht kremoze, pa copa perimesh). Shtoni në tenxhere kremin e djathit mascarpone, ujin e mbetur dhe trazojeni fort me lugë druri. Vendoseni sërish mbi sobë dhe vijoni përzierjen me lugë druri derisa të marrë valë dhe djathi të jetë krejtësisht i tretur.

Shërbejeni me copat e bukës të lyera me djathin blu.

Kliko ne foto per te bere porosine tuaj.

Articles You May Like

Tavë me mashurka
Mollë të karamelizuara me arra
Speca të marinuar me uthull dhe majdanoz (nga Arbana Osmani)
Pastiço me kos
Si të përgatisni qumështin panda në shtëpi