Përbërësit:
6 qepë
1 hudhër
1 patate e zier
100 g pançetë
50 g galetë
50 g djathë Parmigiano
2 vezë
50 ml qumësht
trumzë
kripë, piper, uthull, vaj ulliri
Përgatitja:
Vendosim qepët të ziejnë 10 minuta në ujë, ku kemi hedhur një lugë uthull. Ndërkohë skuqim pançetën e prerë në kubikë. Pasi të ftohen i presim qepët 2 cm nga ana e bishtit, heqim pjesën e brendshme dhe e shtypim. Në një tas përziejmë hudhrën e shtypur, purenë e patates, pançetën, galetën, djathin, qumështin, vezët, kripën, piperin, trumzën dhe formojmë mbushjen e qepëve. Pasi i vendosim në tavë, me pjesën e brendshme që hoqëm mbushim fundin e qepëve, që të mos na dalë mbushja. Më pas, hedhim mbushjen me lugë dhe i pjekim për 30-40 minuta në furrën e ngrohur më parë në 200 gradë celsius.
