Përbërësit:
500 gr miell për brumin
250 gr ujë
8 gr maja për pica
Për mbushjen:
200 gr karota
200 gr bizele të ngrira
100 gr selino
100 gr miell
50 gr gjalpë
30 gr selino
20 gr vaj ulliri
2 fileto pule
Qumësht
Kripë
Piper
Për majonezën:
2 vezë
1 limon
1 spec djegës
Vaj kikiriku
Përgatitja:
Fillimisht përgatisim brumin. Në një tas vendosim miellin, shtojmë në të ujë, maja, kripë, piper, vaj ulliri dhe i përziejmë derisa të përgatitet brumi. Brumin e përgatitur e ndajmë në pjesë të vogla të cilave iu japim forma rrethore dhe i lëmë të vijnë.
Presim në feta të holla fileton e pulës dhe e marinojmë me kripë, piper dhe vaj ulliri.
Në një tigan me pak vaj ulliri skuqim fillimisht hudhrën, qepën, spec djegës, rozmarinë, selino, karota, bizele dhe në fund domate. Shtojmë në tigan kripë, piper dhe i përziejmë derisa të skuqen. Pasi perimet të skuqen pak mbi to shtojmë filetot e pulës të prera hollë në mënyrë që të piqet me avullin e perimeve.
Ndërkohë hapim brumin në formë pitesh dhe i pjekim në një tigan me pak gjalpë. Pitet e pjekura i mbushim me masën që përgatitëm në tigan, i mbështjellim me letër alumin dhe i fusim në furrë të piqen për 10 minuta në 220 gradë.
Për t’i shoqëruar pitet në një gotë mikseri përgatisim majonezën. Vendosim një vezë të plotë, një të verdhë veze, lëngun e një limoni, kripë, piper, vaj kikiriku, spec djegës dhe hudhër. I përziejmë të gjithë ingredientët bashkë derisa të formohet majoneza.
