Mënyra perfekte e pjekjes së peshkut në furrë

Përbërësit :

1 peshk rreth 400 gr

2 domate

1 thelbi hudhër

vaj ulliri

majdanoz

lëng limoni

piper i zi

kripë

Përgatitja :

Për të nisur me përgatitjen e kësaj pjate , si fillim pastroni peshkun dhe ta shpëlani atë me ujë të bollshëm.

Më pas zgjidhni një tavë mesatare pjekje dhe mbulojeni të gjithën me letër pjekje.

Vendosni dy letra pjekje afër njëra tjetrës në qendër të tavës në mënyrë që fletët e saj të qëndrojnë jashtë.

Pasi t’i keni puthitur mirë anët e letrave në mes të tavës, vendosni brenda peshkun gati për pjekje.

Shtoni kripën dhe piperin sipas dëshirës tuaj, duke e lyer mirë peshkun dhe prisni domatet në feta të holla.

Shtrojini edhe ato sipër peshkut, bashkë me hudhrën e prerë në copëza të vogla.

Në fund shtoni një tufë të vogël majdanoz të grirë, lëng limoni dhe vaj ulliri nëpër të gjithë sipërfaqen e tavës.

Për më shumë shije disa nga përbërësit, si domatet, hudhra apo majdanozi mund t’i fusni edhe brenda barkut të peshkut.

Kur të keni mbaruar me përgatitjen, merrni të dyja fletët e letrës së pjekjes që ndodhen jashtë tavës dhe bashkojini me kujdes me duar duke formuar një zarf të madh.

Kujdesuni që zarfi që do të krijoni të jetë mjaftueshëm i madh dhe të mos jetë i puthitur me peshkun në mënyrë që të mos ngjitet.

Futeni peshkun tuaj të piqet në furrë të parangrohur në temperaturën 200 gradë Celsius për 30 minuta.

Kjo kohë është e parashikuar për një peshk të madhësisë 400 gr, siç thuhet dhe më lart në këtë recetë, por koha e pjekjes mund të jetë e ndryshme në varësi të madhësisë së peshkut.

Pasi të ndjeni që tava juaj është gati, nxirreni peshkun nga letra e furrës bashkë me domatet dhe servireni sipas dëshirës.