Në pjesën lindore të Maqedonisë, në Malishevën e bukur përgatiten ushqimet më të mira maqedonase. Të shkruara apo të mbajtura mend nga goja e gjysheve dhe stërgjysheve, amviset e reja po i rinovojnë recetat e vjetra dhe me dëshirë të madhe që ato ti ndajnë me më të afërmit, japin shumë mund në përgatitjen e tyre. Në Berovë, amviset e afta dhe me përvojë përgatisin lakrorin e Malishevës, specialitet me shije të veçantë dhe unike.
![zelnik_cover](https://balkon3.com/mk/wp-content/uploads/2014/02/DSCF2496.jpg)
![zelnik1](https://balkon3.com/mk/wp-content/uploads/2014/02/DSCF2471.jpg)
Përbërësit:
Për brumin:
1 kg miell
1 tharm
1 lugë supe krip
1 lug supe sheqer
Ujë
Vaj për lyerjen e shtresave
Për fillin:
Presh
Djathë
Për fillin mund të përdoret edhe spinaq apo presh të skuqur me speca dhe domate
Mënyra e përgatitjes:
Merret një kockë tharm dhe përzihet me sheqerin dhe kripën. Kjo përbërje përzihet me një kilogram miell dhe ujë sipas nevojës. Pasi ta kemi zënë brumin mirë, e lëmë të qëndroj një orë. Pastaj brumi ndahet në 5 pjesë të vogla dhe një pjesë më e madhe. Të gjitha pjesët gatuhen me shkop gatimi me trashësi prej 1 milimetri.
![zelnik2](https://balkon3.com/mk/wp-content/uploads/2014/02/DSCF2476-300x225.jpg)
![zelnik3](https://balkon3.com/mk/wp-content/uploads/2014/02/DSCF2478-300x225.jpg)
Çdo shtresë e gatuar në këtë mënyrë lihet në një çarçaf që të thahet,deri sa të përfundojmë me të gjitha pjesët. Pjesa më e madhe e brumit gatuhet me shkop gatimi me trashësi më të madhe dhe vendoset në një tepsi. Shtresave të vogla të gatuara u hedhim djathë dhe i lyejmë me vaj.
![zelnik5](https://balkon3.com/mk/wp-content/uploads/2014/02/DSCF2482.jpg)
Pastaj mblidhen dhe renditen në shtresën më të madhe. Me skajet e shtresës së madhe i mbyllim shtresat më të vogla.
![zelnik6](https://balkon3.com/mk/wp-content/uploads/2014/02/DSCF2486-300x225.jpg)
![zelnik7](https://balkon3.com/mk/wp-content/uploads/2014/02/DSCF2488-300x225.jpg)
Në mes vendoset pak presh i skuqur me djathë dhe përsipër hedhim miell. Lihet një orë dhe pastaj piqet në 250 gradë.
![zelnik9](https://balkon3.com/mk/wp-content/uploads/2014/02/DSCF2490-300x225.jpg)
![zelnik10](https://balkon3.com/mk/wp-content/uploads/2014/02/DSCF2491-300x225.jpg)
Pas pjekjes largohet nga fura dhe stërpiket me pak ujë dhe vaj të përzier paraprakisht dhe sërish futet në furë që të piqet edhe 10 minuta.
![zelnik8](https://balkon3.com/mk/wp-content/uploads/2014/02/DSCF2495.jpg)
Ju bëftë mirë!