Krem kakao

Embelsira

Përbërësit :

(Përbërësit më poshtë janë për 4-5 persona)

4-5 filxhanë çaji qumësht

2 kokrra vezë

1 filxhan çaji me ujë

2 filxhanë kafeje me sheqer

3 lugë kafeje me niseshte

2 lugë gjelle me kakao

Përgatitja :

Në një enë apo tas me fund sferik hidhen vezët, rrihen fortë dhe më pas niseshteja, kakao dhe uji i ftohtë. Trazohen mirë të gjitha bashkë, pastaj hidhet qumështi i valuar.

Masa vihet në zjarr dhe trazohet derisa të trashet dhe të bëhet kremoze.

Më pas, kremi i përgatitur hidhet nëpër kupa dhe lihet për t’u ftohur.

Per porosi klikoni tek linku dhe bej zgjedhje tende : https://linktr.ee/produktebio

Kombinimet :

Krem kakao mund të kombinohet me arra dhe biskota të thërrmuara, të cilat mund t’i hidhen në sipërfaqe por edhe në fund të kupës para se të hidhni kremin e kakaos.

Gjithashtu, krem kakao kombinohet në mënyrë të mrekullueshme edhe me fruta të ndryshme. Mund të prisni disa luleshtrudhe dhe banane në kubikë të vegjël dhe t’i vendosni në sipërfaqen e krem kakaos.

Tjetër kombinim i shijshëm është edhe vendosja e lëkurave të grira të limonëve ose portokalleve si dhe frutave të thata në sipërfaqe të krem kakaos.

Vlerat ushqimore të Kakaos :

Kakaoja është e pasur me minerale siç janë hekuri, magnezi, kalciumi, fosfori, bakri dhe mangani.

Ajo është një burim i mirë seleniumi, kaliumi dhe zinku. Kakaoja e ushqen trupin me karbohidrate, proteina dhe fibër dietike.

Për më tepër, kakaoja përmban nivele shumë të ulëta kolesteroli. Kakaoja përmban yndyrna mono-të-pangopura, siç është acidi oleik dhe yndyrna të ngopura siç janë acidi palmitik dhe steraik.

Per porosi klikoni tek linku dhe bej zgjedhje tende : https://linktr.ee/produktebio

Articles You May Like

Supë me hithra karrotë dhe patate
Tavë me peshk dhe perime
Kek me mollë dhe portokalle
Tiramisu shtëpie me çokokrem
Patate furre me limon dhe rozmarinë

Leave a Reply

Your email address will not be published. Required fields are marked *