Brioshët e Pashkës

Brumera

Për 5-6 copë:


● 500 g miell
● 100 g gjalpë i butë, në temperaturë ambienti
● 100 g sheqer
● 20 g maja birre e freskët
● 2 kokrra vezë
● 190 ml qumësht
● 1 bustinë vanilje
● 1/2 lugë kafeje kripë
● 1 e verdhë veze (për t’i lyer sipër përpara se të piqen)
● 5-6 vezë të bardha ose të ngjyrosura(të pa ziera më parë).

Per porosi klikoni tek linku dhe bej zgjedhje tende : https://linktr.ee/produktebio

Përgatitja:


1.Tretim majanë e birrës, të thërrmuar më parë, në një tas të vogël me 2-3 lugë ujë të vakët dhe një lugë kafeje sheqer. E përziejmë me lugë derisa të përftojmë një masë homogjene.
2.Në një tas ose në robot hedhim: miellin, sheqerin, vaniljen, gjalpin, kripën, vezët, qumështin, majanë dhe i përziejmë të gjitha me një spatull ose lugë druri. I përziejmë për një minutë derisa të përftohet një brumë homogjen. Më pas brumin e vendosim në një tas të spërkatur me pak miell, e mbulojmë me qese kuzhine dhe e lëmë të pushojë derisa vëllimi i tij të dyfishohet.(duhen 1-2 orë, në bazë të temperatures ambientit)
3.Pasi brumi të ketë dyfishuar vëllimin e vendosim mbi tavolinë, ku kemi spërkatur miell dhe e punojmë shumë pak me dorë, që flluskat e ajrit që ka krijuar në brendësi të mos humbasin. E ndajmë në topa të vegjël me peshë afërsisht 70-80 g dhe secilit prej tyre I japim formën e një shkopi të gjatë, afërsisht 25 cm duke I rrotulluar me dorë.
4. Marrim dy nga shkopinjtë e brumit, i rrotullojmë rreth njëri tjetrit dhe në fund bashkojmë dy ekstremet e tyre, duke krijuar një rreth( mund t’i lagni ekstremet e shkopinjve të brumit me pak ujë, që të ngjiten më mirë).
5. I vendosim rrathët në tavë, ku kemi shtruar letër furre, dhe I lëmë të vijnë për 1 orë. Tek secili prej tyre, vendosim në mes një vezë të bardhë ose të ngjyrosur më parë. Pas një ore, me anën e një peneli i lyejmë sipër me të verdhën e vezës dhe i vëmë të piqen në furrën e ngrohur më parë në 180°, për rreth 30-35 minuta.

Per porosi klikoni tek linku dhe bej zgjedhje tende : https://linktr.ee/produktebio

Articles You May Like

Kek me mollë dhe portokalle
Zupa me qumësht dhe biskota
Pulë në tavë me finok dhe limon
Supë me hithra karrotë dhe patate
Tullumba me sheqer dhe kanellë

Leave a Reply

Your email address will not be published. Required fields are marked *