Akullore me mollë e kanellë

• Serviret për (persona):4 Persona

Përbërësit

• 5 mollë
• 6 lugë gjelle sheqer
• 1 gotë ujë
• 500 ml qumësht
• 1 lugë gjelle niseshte
• Pak kanellë pluhur.

Udhëzimet

1. Lani mollët, i qëroni dhe i prisni në feta-feta.
2. I vendosni në një tenxhere me 6 lugë gjelle sheqer dhe i lini për pak minuta në zjarr, derisa mollët të karamelizohen tërësisht. I përzieni vazhdimisht.
3. Nga fundi i shtoni një gotë ujë.
4. Pasi të jenë tretur tërësisht, i lini të ftohen pak.
5. I kaloni në një blender dhe i bëni tërësisht pure.
6. Në një tigan të nxehur shtoni niseshtenë, qumështin dhe sapo të marrë një valë shtoni masën me mollë.
7. Sapo ta shikoni që masa trashet, e hiqni.
8. E vendosni akulloren në një tas me kapak dhe e fusni në frigorifer për të qendruar gjatë gjithë natës.
9. Të nesërmen e shërbeni akulloren nëpër gota dhe i shtoni sipër pak kanellë pluhur.
10. Shërbejeni anash me disa feta mollë. Shijojeni!