Përbërësit
1 l lëng mishi viçi ose pule
1 filxhan çaji e pak me makarona të vogla
Kripë
Piper
Vaj ulliri
Pak gjalpë të freskët
Përgatitja
Si fillim, zieni 4-5 thela mish viçi me kocka ose pule në një tenxhere me ujë e kripë.
Lëreni të ziejë përreth 1 orë e gjysmë apo 2 orë në zjarr të avashtë.
Më pas, kullojeni lëngun nga mishi dhe kockat.
Mishin ndajeni fije – fije dhe lëreni mënjanë për t’ja hedhur supës në fund
Tenxheren ku keni lëngun e mishit (duhet të jetë rreth 1 l lëng mishi) vendoseni sërish në zjarr, kur të nisë të vlojë shtoni aty makaronat e vogla dhe lërini të ziejnë bashkë me lëngun e mishit derisa të zbuten por jo qullen dhe supa të trashet pak.
Hiqeni nga zjarri, kur ta servirni mund ta spërkasni sipas dëshirës me lëng limoni dhe të shtoni mishin e ndarë në fije gjithashtu.
Kjo supë e lehtë shoqërohet në mënyrë fantastike me sallata të freskëta të stinës, perime të pjekura furre, patate furre, byrekë të ndryshëm shtëpie, bukë të thekur, turshi të përgatitura vetë por edhe dajthra e salca të ndryshme.
Gjatë përgatitjes nëse preferoni supës mund t’i shtoni edhe perime siç janë karrotat apo patatet.
