Patëllxhanë të mbushur me gjizë

Patëllxhanët janë ndër perimet fantastike që pavarësisht mënyrës apo recetës së përgatitjes të tërheqin përherë oreksin.

Pergatitja :

Patëllxhanët i lajmë, u presim bishtat dhe më pas i vendosim në një tenxhere me ujë për t’i zier 10-15 minuta.

Hiqni tenxheren nga zjarri, kulloni patëllxhanët dhe vendosini në një pjatë për t’u ftohur.

Kur të jenë ftohur i presim në mes (për së gjati) dhe me ndihmën e një luge heqim tulin, por jo plotësisht.

Në një tas tulin e patëllxhanit, e përziejmë me vezët, gjizën, magdanozin e prerë hollë, kripën piperin dhe miellin. E trazojmë me kujdes, deri sa masa të jetë homogjene.

Në zjarr vendoseni një tigan ku keni hedhur vaj ulliri.

Patëllxhanët i mbushim me masën që përgatitëm dhe i vendosim për t’i skuqur në fillim nga ana e lëkurave të patëllxhanit dhe kur të kenë marrë pak formë kthehen dhe nga ana tjetër. Në këtë mënyrë ruhet forma që duam.

Pasi i heqim nga tigani i vendosim në një pjatë me letër kuzhine për të thithur yndyrën e tepërt.

Nëse preferoni, patëllxhanët pas zierjes e mbushjes mund t’i piqni dhe në furrë.

Perberesit:

5-6 patëllxhan

4 vezë

4 lugë gjelle miell

kripë dhe piper i zi

magdanoz

vaj ulliri