Pengjiri i Kolonjës

Embelsira

Kulinaria shqiptare spikat në secilën prej krahinave të saj.

Receta të ëmbla e të kripura, autentike shqiptare të trashëguara brez pas brezi deri në ditët e sotme.

Gatime Shqiptare sjell një ëmbëlsirë tipike tradicionale të Kolonjës, një zonë e njohur për gatimet e shijshme të saj.

Bëhet fjalë për Pengjirin, një ëmbëlsirë fantastike e butë dhe me sherbet që të përfshin tërësisht me shijen e saj.

Pengjiri është traditë edhe e Korçës, Pogradecit si edhe Ersekës.

Dikur, gratë kolonjare e përgatisnin Pengjirin kur familja kishte një ditë të shënuar feste, ditëlindje apo edhe gëzime të tjera familjare.

Sot, Pengjiri jo vetëm që përgatitet ashtu si dikur por është pjesë e pandashme e listës së ëmbëlsirave tradicionale që ndodhen në shumë pastiçeri e gjithashtu në restorante të ndryshme.

Përgatitja e Pengjirit në Shtëpi

Përbërësit

10 vezë të freskëta

10 lugë gjelle sheqer

10 lugë gjelle miell gruri

1 lugë e vogël kafeje me sodë

Thelpinj bajamesh (sipas dëshirës)

Për sherbetin

5 gota ujë

1 kg sheqer

Një lugë kafeje vanilje pluhur

Lëngu i një kokërr limoni

Përgatitja e sherbetit

Gatimeshqiptare.com ju sugjeron të hidhni gjithë përbërësit në një tenxhere dhe t’i lini të ziejnë derisa masa të trashet në formën e sherbetit.

Përgatitja e Ëmbëlsirës

Si fillim, në një tas të madh shtohen të bardhat e vezëve dhe rrihen fort bashkë me sheqerin derisa të krijohet një masë e njëtrajtë dhe e fryrë si shkumë.

Më pas shtohen të verdhat e vezëve, dhe rrihen. Shtohet mielli lugë-lugë ndërsa masa trazohet pa ndërprerje.

E gjithë masa hidhet në tepsi e cila është lyer më parë me pak vaj dhe është spërkatur me pak miell.

Gatimeshqiptare.com ju këshillon që tepsia të mbushet në ¾ e lartësisë së saj, sepse gjatë pjekjes brumi rrit vëllimin e tij.

Futet për pjekje në furrë të parangrohur në temperaturën 150 gradë. E lëmë të piqet përreth 1 orë derisa sipërfaqja të marrë ngjyrë të kuqërremtë.

Kur hiqet nga furra lihet të ftohet dhe i hidhet sherbet i vakët.

Articles You May Like

Mollë të karamelizuara me arra
Speca të marinuar me uthull dhe majdanoz (nga Arbana Osmani)
Petulla të mbushura me krem
Petanik me pulë
Tavë me mashurka

Leave a Reply

Your email address will not be published. Required fields are marked *