Torta Mimoza

Embelsira, Kalorike

Përbërësit
4 kokrra vezë (të plota)
8 vezë (të verdhat)
220 gr sheqer
200 gr miell
40 gr miell patatesh
300 ml qumësht (i freskët)
300 ml pana (e lëngshme)
200 gr sheqer
55 gr miell
vanilje
100 ml ujë
50 ml liker Cointreau
50 gr sheqer
200 ml pana
20 gr sheqer pluhur

Përgatitja
1
Hidhni vezët e plota dhe sheqerin në një enë dhe përziejini në mikser për 10-15 minuta me shpejtësi të lartë derisa të përftoni një masë të fryrë.
2
Shtoni të kuqtë e vezëve dhe vazhdoni përzierjen edhe për 5-6 minuta të tjera.
3
Shtoni miellin dhe përziejeni me kujdes me një lugë nga poshtë-lart, për të nxjerrë ajrin.
4
Hidheni masën në dy tava të ndryshme me diametër 22-24 cm, të lyera me gjalpë dhe të spërkatura me miell dhe piqeni në furrë në temperaturë 180-190 gradë, për rreth 30 minuta.
5
Pasi të piqen vendosini pandispanjat mbi një letër furre dhe lerini të ftohen.
6
Ndërkohë përgatisni kremin e pastiçerisë.
7
Hidhni në një enë qumështin. Shtoni panën dhe lereni të valojë.
8
Në një tjetër enë hidhni të kuqtë e vezëve dhe sheqerin. Përziejini me një lugë druri dhe më pas shtoni miellin dhe vaniljen.
9
Përziejeni mirë dhe më pas bashkojeni me qumështin dhe panën e nxehtë duke e përzier.
10
Vëreni masën në zjarr dhe lereni deri sa të trashet.
11
Kur kremi fillon të nxjerrë flluska hiqeni nga zjarri dhe hidheni në një enë të cekët, të madhe.
12
Mbulojeni kremin e pastiçerisë me letër transparente, e cila duhet të prekë sipërfaqen e kremit dhe vëreni të ftohet në frigorifer.
13
Përgatisni likerin duke tretur sheqerin me ujin dhe likerin Cointreau.
14
Përgatisni panën me një rrahës elektrik dhe sapo të fillojë të fryhet shtojini sheqerin pluhur dhe pasi ta punoni mirë vëreni në frigorifer.
15
Kur kremi i pastiçerisë të jetë gati vëreni në një tas, punojeni lehtësisht me lugë dhe bashkojeni me kujdes me panën nga e cila ndani mënjanë dy lugë.
16
Prisni nga padispanja koret anësore me ngjyrë të errët me ndihmën e një thike të gjatë dhe njërën prej tyre ndajeni në tre rrathë me trashësi të barabartë.
17
Njërën copë ndajeni në shirita të barabartë, të cilët më pas i prisni në kubetë të vegjël.
18
Tani fillojmë me ndërtimin e tortës. Për të bërë tortën perfekte është mirë të përdoret një rreth çeliku i rregullt, brenda të cilit fusim diskun e parë të pandispanjës, të cilin e lagim me likerin e më pas me panën e punuar.
19
Sipër panës shtojmë kremin e pastiçerisë të përzier me panën dhe mbi të vendosim diskun e dytë të pandispanjës.
20
Përsëriteni ciklin deri kur të vendosni diskun e tretë mbi të cilin vëmë sërish kremin.
21
Pasi e gjithë torta të jetë lyer me krem dekorojeni me kubetët e pandispanjës, të cilët do të ngjiten mbi tortë nga kremi që e kemi lyer.
22
Pasi të keni përfunduar vëreni tortën në frigorifer.

Articles You May Like

Paella Spanjolle me fruta deti
Jambalaya – Gatime Deti
Sallate me oktapod
Vongole me verë të bardhë
LEVREK I PJEKUR ME PATATE

Leave a Reply

Your email address will not be published. Required fields are marked *