Përbërësit:
500 gr mish viçi
4-5 kokrra qepë
50 gr pistil
3-4 lgj vaj ulliri
2 lugë oriz
1 lç spec i kuq
Kripë, piper i zi kokërr
Përgatitja:
Mishin e presim në copa dhe e vendosim në zjarr që të marrë valë për 15 minuta. Ndërkohë grijmë qepët imët dhe i kaurdisim derisa të zbuten mirë me kapak mbuluar.
Pas 15 minutave largojmë mishin nga tenxherja dhe tek lëngu i mishit vendosim copat e pistilit për t’u zbutur. Shtojmë tek qepët e kaurdisura copëzat e mishit dhe vazhdojmë kaurdisjen për 1 minutë së bashku dhe më pas shtojmë një gotë nga lëngu i mishit, pak oriz, piper të kuq e të zi bashkë me pistilin e zbutur në lëngun e mishit. E lemë për rreth 10 minuta të ziejë dhe më pas e zhvendosim gatimin në një tavë (mundësisht dheu). E vendosim në furrë në temperaturën 200 -250 gradë Celsius për 20-30 minuta.