Tavë me bamje

Pjata kryesore

Përbërësit:

1 kg mish viçi

1 kg bamje

2 qepë

200gr gjalpë

3 domate

2 limona

Kripë

Piper të kuq

Piper të zi

*Per porosi kliko linkun dhe bej zgjedhjen tende : https://linktr.ee/produktebio

Përgatitja:

Për të nisur këtë recetë duhet që si fillim të keni prerë në thela mesatare mishin e viçit.

Mundohuni që të largoni kockat apo pjesët e dhjamit në mënyrë që mishi të ketë vetëm tul.

Pasi të keni kryer këtë hap marinojeni lehtë mishin me pak kripë dhe piper.

Më pas qëroni bamjet duke u hequr bishtat dhe zhytini në një tas me ujë dhe lëng limoni.

Ky proces do të bëj të mundur largimin e pushit të bamjeve.

Lërini bamjet në tasin me ujë dhe lëng limoni për 30 minuta dhe vazhdoni me recetën.

Ndërkohë grini qepët imët në rende.

Vendosni një tigan në zjarr me pak gjalpë dhe hidhni qepën për ta skuqur derisa ajo të ketë ulur volumin e saj ose të jetë bërë transparente.

Tani shtoni edhe thelat e mishit dhe skuqini lehtë duke i shtuar 2-3 lugë gjelle me ujë.

Kur mishi të ketë marrë një ngjyrë të lehtë nga të dyja anët është koha që të shtoni domatet.

Lëngu i domateve do të shërbejë për të zbutur si mishin po ashtu edhe bamjet.

Në fund e kanë radhën bamjet, të cilat i keni kulluar nga uji.

Jepini shije me kripë dhe piper të kuq e të zi dhe përziejini lehtë pa u prishur formën.

T’i kaloni në një tavë dhe t’i vendosni për t’u pjekur në furrë për 30 minuta.

Kur të jetë gati tava, shërbeheni të ngrohtë me sallatë me perime te freskëta.

*Per porosi kliko linkun dhe bej zgjedhjen tende : https://linktr.ee/produktebio

Articles You May Like

Humus me karrota
Rizoto me kërpudha dhe shafran
Si të përgatisni lëngun e kungullit dhe karrotës kundër depresionit
Supë me hudhra dhe perime
Byrek me proshutë dhe djathë

Leave a Reply

Your email address will not be published. Required fields are marked *