Tavë makaronash me Pulë dhe me Perime

Kalorike
Një ushqim shumë i shijshëm dhe i këndshëm, për t’u konsumuar në drekë ose në darkë në rehatinë e shtëpisë. I ushqyeshëm dhe me kalori, është një recetë që do ta dëshironi.
Përbërësit
1 filxhan makarona fusilli (në formë spirale)
3 lugë gjelle vaj ulliri
6 filetë pule (të prera në copa)
1 lugë gjelle qepë (e thatë, e grirë)
kripë
piper
pluhur hudhre
1 lugë gjelle borzilok (i thatë)
1 lugë gjelle majdanoz (i thatë)
320 ml supë krem pule (e kondensuar)
320 ml supë krem kërpudhe (e kondensuar)
2 filxhanë perime (të përziera, të ngrira)
1 filxhan thërrime buke (të thatë)
2 lugë gjelle djathë parmixhano
2 lugë gjelle gjalpë (i shkrirë)
Përgatitja
1
Nxehim paraprakisht furrën në 200 gradë C. Lyejmë lehtë me yndyrë një pjatë pjekjeje në madhësi mesatare.
2
Lemë të vlojë një tenxhere të madhe me ujë të kripur lehtë. Vendosim makaronat në tenxhere, i gatuajmë për 8 deri në 10 minuta, derisa të bëhen al dente dhe i lemë të thahen.
3
Nxehim vajin në një tigan në temperaturë mbi mesataren.
4
Vendosim pulën në tigan dhe e sezonojmë me qepë të grirë, kripë dhe piper, pluhur hudhër, borzilok dhe majdanoz. E gatuajmë mirë.
5
E përziejmë me makaronat e gatuara, kremin e supës së pulës, kremin e supës me kërpudha dhe me perimet e përziera. E vendosim në pjatën e përgatitur për pjekje.
6
Në një tas të vogël, përziejmë thërrimet e bukës, djathin Parmixhan dhe gjalpin. E shpërndajmë në mënyrë të barabaratë mbi tavë.
7
I pjekim për 30 minuta në furrën e nxehur që më parë derisa të lëshojë flluska dhe të marrë ngjyrë kafe të lehtë.

Articles You May Like

Çomlek me patëllxhanë dhe mish viçi
Makarona me salcë domatesh të pjekura
Fli me miell misri dhe presh
Buka me ullinj
Petulla të fshira me mjaltë dhe arra

Leave a Reply

Your email address will not be published. Required fields are marked *