PËRBËRËSIT PËR 4 COPË:
• 250 g miell
• 100 g gjalpë
• 100 g sheqer
• 1 vezë + 1 e verdhë veze
• ½ lugë fryrës
• pak lëkurë limoni.
PËR KREMIN E PASTIÇERISË:
• 500 ml qumësht
• 100 g sheqer
• 60 g miell
• 4 të verdha veze
• pak lëkurë limoni
• fruta sipas dëshirës.
PËRGATITJA:
Hedhim miellin në një enë, shtojmë fryrësin, lëkurën e limonit, vezët, sheqerin dhe gjalpin në copa të vogla. E punojmë me kujdes derisa të formohet një masë homogjene, të cilën e mbulojmë me qese kuzhine dhe e vendosim në frigorifer që të pushojë për 30 minuta. Ndërkohë, merremi me kremin e pastiçerisë. Me rrahësen e vezëve me dorë rrahim vezët me sheqerin, shtojmë miellin dhe qumështin e ngrohur pak. Masën e përftuar e vendosim të ziejë në temperature mesatare, gjithmonë duke e rrahur me rrahëse, dhe sapo të marrë valë, e heqim dhe e aromatizojmë me lëkurë limoni. E mbulojmë me qese kuzhine dhe e lëmë të ftohet plotësisht. Pasi brumi ka pushuar, e hapim me petës me trashësi 4 mm dhe e presim në formë rrethore. Rrathët i vendosim te forma, i shpojmë me pirun dhe i mbulojmë me krem, të cilin e kemi lënë të ftohet plotësisht. Vendosim feta frutash sipas dëshirës dhe i pjekim për rreth 25-30 minuta në temperaturën 180 gradë.
