Supë kremoze me spinaq dhe shparguj

Supa

PËRBËRËSIT PËR 8 PERSONA: 3 lugë vaj ulliri 3 qepë të qëruara dhe të prera në copa të holla 1 presh i qëruar dhe i prerë në copa 500 g patate të qëruara dhe të prera mundësisht në kubikë të barabartë, që të ziejnë mirë njëkohësisht. 1.2 litër lëng perimesh i valuar (varet sa të trashë e doni ju supën) 10 shparguj të freskët ose të ngrirë, të pastruar dhe të prerë në copa 500 g spinaq i pastruar dhe i larë 250 ml pana kuzhine kripë e piper sipas nevojës

PËRGATITJA: 1 Në një tenxhere me pak vaj skuqim qepën dhe preshin për pak minuta në zjarr mesatar. 2 Shtojmë patatet, lëngun e valuar dhe kripë, nëse lëngu nuk është i kripur. 3 E lëmë në zjarr për rreth 20 minuta ose derisa të shohim që patatet janë zbutur. 4 Shtojmë spinaqin dhe shpargujt dhe e zgjasim kohën e zierjes me 7/8 minuta. E heqim nga zjarri. 5 Të gjithë masën e grijmë me grirësin me zhytje ose në blender, derisa të përftojmë një masë kremoze pa kokrra. 6. Shtojmë panën, e përziejmë dhe pasi ta rregullojmë për kripë e piper, e shërbejmë.

Kliko ne foto per te bere porosine tende

Articles You May Like

Mish qengji me perime
Kek me shumë fruta dhe pak sheqer
Reçel limoni
Byrekë të vegjël me djathë
Tortë e lehtë me lëng portokalli