Pula me qepë

Pjata kryesore

Përbërësit:

Pulë (1 copë, të therrur dhe të terrur, të prerë në copa)

Qepë të bardha (4 kokrra)

Gjalpë (200 gramë)

Lëng zarzavatesh (300 gramë)

Verë e bardhë (një filxhan çaji)

Rozmarinë

Dafinë

Piper i zi kokërr

Piper i kuq kokërr

Kripë

Përgatitja:

Në një tigan shkrijmë gjalpin dhe hedhim qepët e prera hollë. I kavardisim vetëm pak dhe vendosim copat e pulës, të prera sipas nishaneve. I skuqim ato nga të dyja anët me zjarr mesatar. Kthejini nëpërmjet një pince BBQ-je. E kriposim, i hedhim edhe kokrat e piperit të kuq e të zi. Një fije rozmarinë dhe dy-tre gjethe dafinë i lidhim me spango kuzhine dhe e vendosim sipër. Shtijmë verën e bardhë. Pasi të avullojë alkoli i verës shtojmë pak nga pak lëngun e zarzavateve. E mbulojmë me zjarr të ngadaltë për 15 minuta. I heqim kapakun dhe e lëmë, derisa të pijë lëngun. Po deshe fute në furrë ta pijë lëngun çerek ore a diçka më shumë me një nxehtësi 200 gradë. Unë e bëra. Bëje dhe ti mos përto.

E do kjo pjatë një gotë verë të bardhë dhe ngjyje fundin e tiganit me bukë që ta ndjesh ashtu si duhet.

Kliko ne foto per te bere porosine tende tani!!!

Articles You May Like

Ëmbëlsirë me arra dhe portokall
Petulla të mbushura me krem
Mollë të karamelizuara me arra
Petanik me pulë
Mish me spinaq dhe oriz në furrë