Pilaf me Midhje

Fruta Deti, Pasta dhe rizoto

Përbërësit
500 gr oriz (i përshtatshëm për pilaf)
1.2 kg midhje (të pastruara)
1 qepë e kuqe (e grirë hollë)
5 thelpinj hudhër (të grira hollë)
1 tufë majdanoz (e grirë hollë)
300 ml verë e bardhë
50 ml vaj ulliri
2 lëkurë limoni (e grirë)
kripë
piper
ujë (i nxehtë)

Përgatitja
1
Në një tenxhere nxehim vajin e ullirit dhe skuqim në të qepën derisa të marrë ngjyrë të verdhë dhe të zbutet.
2
Shtojmë hudhrën dhe e përziejmë për rreth 30 sekonda.
3
E shuajmë me verë të bardhë.
4
Shtojmë midhjet dhe i mbulojmë me kapak.
5
Ngremë zjarrin në maksimum dhe i gatuajmë deri sa të fillojë të dalë avull.
6
Heqim midhjet nga tenxherja me ndihmën e një luge me vrima.
7
Largojmë ato që s’janë hapur.
8
I ruajmë midhjet për më vonë.
9
Masim lëngun e midhjeve dhe e shtojmë me ujë të nxehtë që të kemi rreth 900 ml lëng në total.
10
E kthejmë në tenxhere dhe hedhim orizin bashkë me lëkurën e limonit.
11
Kontrollojmë shijen, sepse lëngu i midhjeve është i kripur.
12
I japim valë, e përziejmë, e mbulojmë me kapak dhe ulim zjarrin në minimum.
13
E lemë për rreth 20 min.
14
E heqim nga zjarri dhe hedhim midhjet mbi orizin.
15
E mbulojmë përsëri dhe e lemë për rreth 3-4 minuta.
16
Hapim kapakun dhe e përziejmë me kujdes. Dhe e shërbejmë me erëza.

Leave a Reply

Your email address will not be published. Required fields are marked *