Petulla me kos

Te shpejta

Përbërësit:

1 vezë

2 filxhanë me kos

125 gr miell

Gjysëm luge çaji me sodë buke

kripë

vaj për skuqje

sheqer pluhur për spërkatje

Përgatitja:

Në një tas të madh, rrihni vezën dhe kosin, më pas shtoni dhe pak kripë dhe sodën e bukës.

Pasi të keni situr miellin, hidheni dalëngadalë tek tasi, duke e përzjerë gjatë gjithë kohës me ndihmën e një teli kuzhine.

Këshillë: Masën ta përzjeni, derisa të formohet një brum pak më i trashë se ai i palaçinkave.

Kujdesuni që të mos ju krijohen kokrriza të miellit, gjë që do t’iu ndikojë tek shija e petullave.

Në në tenxhere pak të thellë hidhni mjaftueshëm vaj për skuqje, dhe vendoseni në zjarr që të ngrohet.

Kini kujdes që vaji të jetë në temperaturën e duhur kur të hidhni brumin. Pasi nëse e shtoni kur vaji të jetë ende i ftohur brumi do të ngjitet në fund të tenxheres.

Me ndihmën e një luge merrni pak nga pak nga brumi i petullave dhe hidheni në vajin e ngrohur.

Sygjerim: Kini kujdes që t’i skuqni nga të dyja anët njësoj.

Në një pjatë të cekët vendosni disa letra kuzhine kështu do të përthithin vajin e tepërt nga petullat.

Këto petulla serviren të ngrohta dhe me pak sheqer pluhur të spërtakur sipër, por nëse preferoni mund t’i shoqëroni me djathë, mjaltë apo reçel.

Kliko ne foto per te bere porosine tuaj tani.

Articles You May Like

Oriz me midhje dhe perime
Supë me lëng mishi
Supë me pulë e hudhra
Gjellë me bathë
Petulla të mbushura me djathë të bardhë