Përbërësit :
450g makarona
20-30 domate të vogla të pjekura
Vaj ulliri
Kripë
Rozmarinë
Përgatitja :
Për këtë recetë është e mira që të zgjidhni domatet e vogla qershi ose domatet gjatoshe italiane të cilat kanë tul.
Por mund të përdorni edhe domatet e tjera siç janë ato zemërkau, por mjafton që t’i prisni në feta.
Pasi të keni larë me ujë të bollshëm domatet që keni përzgjedhur, thajini mirë me një letër kuzhine.
Ky hap është shumë i rëndësishëm për pjekjen që do të vijë më vonë.
Nëse domatet kanë lagështirë nga jashtë nuk do të thahen ashtu siç duhet në furrë.
Pasi t’i keni tharë mirë, filloni t’i prisni domatet në dy pjesë.
Në një tavë shtroni një letër pjekjeje dhe rreshtoni aty domatet.
Futini në furrë të ngrohur me 180-200 gradë dhe lërini të piqen për 30-40 minuta.
Ndërkohë, vazhdoni me përgatitjen e makaronave.
Mbushni tenxheren me ujë dhe vendoseni për të zier.
Kur të formohen bulëza shtoni kripën dhe më pas makaronat tuaja të preferuara.
Pasi makaronat të kenë zierë, kullojini dhe përziejini lehtë me pak vaj ulliri që të mos ngjiten me njëra tjetrën.
Tani e kanë radhën domatet. Nxirrini nga furra dhe kalojini në një tigan ku keni hedhur pak vaj ulliri.
Skuqini lehtë dhe jepini shije me kripë dhe rozmarinë të freskët të cilën e keni grirë hollë.
Lejojini që të avullojnë pak lagështirën e mbetur dhe më pas shtoni aty makaronat.
Psi t’i keni lënë pak të marrin shije mund t’i shërbeni.
