Kofshë qengji e pjekur në furrë

Përbërësit për 6 persona:

• 1 kofshë qengji
• 60 g gjalpë
• 2-3 thelpinj hudhra
• 1.5 kg patate
• vaj
• kripë dhe piper

Përgatitja:

Kofshës së qengjit i hiqet kocka dhe pastrohet nga cipa e tepërtat dhe damarët. Me një thikë me majë i bëhen disa shpime në sipërfaqe, të cilat mbushen me thelpinj hudhre, pak kripë dhe piper dhe lyhet mirë me yndyrë, në anë dhe në vendet e shpuara. Lidhet mirë me spango e vihet në furrë mesatare që të piqet afërsisht një orë e gjysmë. Herë pas here spërkatet me lëngun e vet. Priten dy copa për racion e shërbehet me patatet e skuqura.