Përbërësit
- 5 domate (edhe pjesa e brendshme e domateve)
- 200 gr mish viçi (i grirë)
- 1 qepë (mesatare)
- 1 thelpi hudhër
- 30 gr sallam (sallam turist)
- 100 gr djathë i bardhë
- 100 gr parmixhano
- 120 gr bukë (e grirë)
- rigon (i thatë)
- kripë
- piper
- 2 lugë gjelle vaj ulliri
- 1 tufë majdanoz
- borzilok
- 1 karotë
Përgatitja
1
Pastroni domatet nga tuli i brendshëm dhe ruajeni pjesën e brendshme për mbushjen.
2
Në një tigan përgatisni salcën me të cilën do mbushni domatet.
3
Shtoni vaj ulliri, qepën e grirë hollë, mishin e grirë, sallamin turist, karotën e grirë dhe lërëni të marrin ngjyrë derisa të lëshojnë lëngjet.
4
Shtoni në tigan pjesën e brendshme të domateve, rigon, kripë e piper.
5
Pasi salca të jetë gatuar, bashkoni në një tas një pjesë të salcës me bukë të grirë, djathin e bardhë të thërrmuar, borzilok e majdanoz.
6
Mbushini domatet me këtë përzierje dhe shtoni parmixhano sipër.
7
Vendosini të piqen për 20 minuta në 200 gradë.