Bërxollë Gici

Në një tigan hedhim pak vaj dhe e vendosim në zjarr dhe pasi të jetë nxehur vendosim fileton e gicit dhe e kaurdisim nga të gjitha anët sa të marrë ngjyrë të kuqërremtë.

Shtojmë në tigan dhe erëza, si rozmarinë dhe trumzë dhe para se ta heqim shtojmë dhe piper, hudhër dhe gjalpë. E kriposim pak dhe e fusim në furrë me 180 gradë për rreth 10 minuta.

Ndërkohë në një tenxhere tjetër hedhim pak vaj dhe fillojmë të kaurdisim në zjarr rrënjën e selinosë të pastruar dhe të prerë në kubikë.

Pas rreth 7 minutash i shtojmë pak ujë dhe e lemë të ziejë derisa në tenxhere të mos ketë mbetur shumë ujë. I shtojmë kripë dhe e kalojmë në mikser derisa të bëhet një pure e njëtrajtshme, duke i shtuar dhe një lugë gjalpë dhe bizelet.

Gjithashtu i kaurdisim me pak hudhër dhe vaj ulliri në një tenxhere dhe më pas i shtojmë ujë. Në këtë moment shtojmë dhe patatet dhe i lemë të ziejë derisa bizelet dhe patatet të jenë gati.

Heqim patatet dhe bizelet. I bëjmë krem e më pas i vendosim në pjatë të dyja puretë, patatet dhe fileton e prerë në medalionë, duke shtuar dhe disa lajthi të shtypura, si dhe pak nga salca e krijuar në tigan nga pjekja e mishit.