Amareta me brumë bajamesh

Përbërësit :

180 g bajame të pjekura pa lëkurë

20 g bajame të pjekura me lëkurë

2 të bardha vezësh

300 g sheqer pluhur

Përgatitja :

Grini bajamet me grirësen elektrike derisa të formoni një miell.

Bashkoni në një tenxhere sheqerin, 2 të bardhat e vezëve, bajamet e bluara.

Përziejini me kujdes sa të formoni një brumë homogjen me të cilin formoni një role me diametër 3 – 4 centimetra.

Në këtë moment parangrohni furrën e sobës në 175 gradë.

Ndërkohë priteni rolenë e brumit në copa nga 1 centimetër, dhe formoni me duar toptha.

Në një tavë ku keni vendosur një letër pjekjeje, ose e keni lyer me gjalpë dhe miell, vendosini topthat duke i shtypur lehtë.

Amaretat vendosni rreth 2 cm larg njera tjetrës sepse vëllimi i tyre gjatë pjekjes do rritet.

Vendosni mbi çdo amaretë nga një thelpi bajameje ose mund dhe t’i spërkasni me pak sheqer.

Bëni kujdes, sapo të fusni amaretat për pjekje vendoseni gradacionin e sobës në 120 gradë dhe lërini amaretat të piqen përreth 30 minuta derisa sipërfaqja e tyre të bëhet krokante.

Pasi të fikni sobën, amaretat lërini që të ftohen në mënyrë që të mos copëtohen gjatë vendosjes në pjatancë.

Shoqërojini me kafe apo çaj.